FAQs Complain Problems

सूचना तथा समाचार

  • , , , , , , , , , , , , , , , , , , , ,

    दीप्तिशिखा चौधरी
    दाङ, असोज ३ । दाङको दङ्गीशरण गाउँपालिकाले विभिन्न कार्यक्रमको आयोजना गरी संविधान दिवस मनाएको छ । संविधान दिवस २०७५ को उपलक्ष्यमा गाउँपालिकाले प्रभातफेरि, सरसफाई तथा जनप्रतिनिधि र कर्मचारीबीच मैत्रीपूर्ण फुटबल प्रतियोगिता कार्यक्रमको आयोजना गरेको छ ।

    गाउँपालिकाका अध्यक्ष भागीराम चौधरीको अध्यक्षता एवं प्रदेश सांसद उत्तरकुमार वलीको प्रमुख आतिथ्यतामा गाउँपालिकाको प्रांगनबाट सुरु भएको प्रभातफेरि बिरेन्द्र निम्न मा.वि हेकुलीको प्रांगनमा गएर कोणसभामा परिणत भएको थियो ।

    सभापश्चात् भएको फुटवल प्रतियोगीतामामा कर्मचारी ३ का बिरुद्ध ५ गोलले विजयी भएका छन् । खेलको पहिलो हाफको १५ मिनेटमै कर्मचारी तर्फबाट क्याप्टेन प्रशित आचार्यले गोल गर्दै आफ्नो टिमलाई अग्रता दिलाउनुभएको थियो ।

    गाउँपालिकाका प्रवक्ता वीरबहादुर वलीको नेतृत्वमा मैदान उत्रिएको जनप्रतिनिधिको टिममाथि खेलको दोस्रो हाफको १० मिनेटमा फेरि पनि क्याप्टेन प्रशित आचार्यले थप १ गोल गरेर अग्रता दोब्बर पार्नुभएको थियो । जनप्रतिनिधिको टोलीले हार नमानी दोस्रो हाफको १५ औँ मिनेटमा जनप्रतिनिधिको तर्फ बाट सांसद उत्तर कुमार वलीले १ गोल गरी खाता खोल्न सफल हुनुभयो ।

    खेलको २५ औं मिनेटमा सांसद वलीले फेरि पनि आकर्षक ढंगले थप १ गोल गर्नुभयो । बराबरीमा रहेको खेल २८ औं मिनेटमा कर्मचारी तर्फबाट यमप्रसाद नेपालीले थप १ गोल गर्दै कर्मचारीको टिमलाई विजयतर्फ अगाडि बढाउनुभएको थियो । खेलको ३२ औं मिनेटमा जनप्रतिनिधिबाट सुकलाल चौधरीले १ गोल गर्दै खेललाई बराबरीमा ल्याउनुभएको थियो ।

    खेलको ३५ मिनेटमा कर्मचारीबाट बिष्णुबहादुर क्षेत्रीले १ गोल गरेर टिमलाई अग्रता दिलाउनुभएको थियो । खेलको दोस्रो हाफको ४२ औं मिनेटमा कर्मचारीबाट अनन्त गौतमले फेरि १ गोल गरेर ५ गोलको अवस्थामा पुर्याउनुभएको थियो ।

  • , , , ,

    दंगीशरण गाउँपालिका वडा नम्वर १ र २ को सार्वजनिक सुनुवाई गोल्टाकुरीमा भएको छ । गाउँपालिकाको आयोजना तथा तुलसीपुर मिडियाको सहजीकरणमा स्थानीयस्तरमा भएका विकास निर्माणका काम, स्थानीय तहको सेवा प्रवाह र जनताको गुनासा व्यवस्थापन गर्न सोमबार गोल्टाकुरीमा सार्वजनिक सुनुवाई कार्यक्रम भएको हो ।
    गाउँपालिका अध्यक्ष भागीराम चौधरीको अध्यक्षतामा सम्पन्न भएको सार्वजनिक सुनुवाई कार्यक्रममा उठेका गुनासोहरुलाई सम्बोधन गर्दै गाउँपालिकाका प्रमुख चौधरीले गाउँपालिकाले जनताका गुनासा तथा सुझावको सम्मान गर्दै आउँदा दिनमा समाधान गर्न नसकिएका कुराहरु समाधान गरेर जाने बताएका छन् । कार्यक्रममा वडा नम्बर १ र २ का करिब दुई दर्जन बढी नागरिकले गाउँपालिका र वडाहरुले सञ्चालन गरेका योजना, कार्यक्रम तथा विभिन्न सेवा प्रवाह सम्बन्धमा आफ्ना गुनासा तथा सुझावहरु राखेका थिए ।

    उनीहरुले विभिन्न योजना सञ्चालन हुँदा जनप्रतिनिधिहरुले मनोमानी तरिकाले उपभोक्ता समिति गठन गरेको, योजना अनुगमनमा समेत ध्यान नदिएको, योजना फरफारकमा समेत विभिन्न कुरा दिदै समस्या दिएको, विभिन्न निर्णयहरुसमेत गलत तरिकाले गरेको, खानेपानी र सिंचाईतर्फ पर्याप्त योजना छनौट नगरेको, साविकको गाविसमा भएका बाढी पीडितहरुको समस्यातर्फ ध्यान नपु¥याएको, जथाभावी नदीजन्य वस्तुहरु उत्खनन् हँुदासमेत ध्यान नपु¥याएको, वडा तथा गाउँपालिकाको विकास बजेट पहुँचको आधारमा विनियोजन गरेको, लक्षित कार्यक्रमहरु सञ्चालन हुन नसकिरहेको, सरकारी भवन हुँदाहुँदै भाडामा वडा कार्यालयहरु सञ्चालन गरेको भन्दै गाउँपालिका र वडाका जनप्रतिनिधिहरु समक्ष गुनासाहरु राखेका थिए ।
    जनताहरुले राखेको गुनासोहरुको सम्बोधन गर्दै गाउँपालिका प्रमुख भागीराम चौधरीले जनताका आवश्यकता अनुसार चालु आर्थिक वर्षमा सडक र विद्युतलाई प्राथमिकतामा राखी गाउँपालिकाले योजनाहरु सञ्चालन गरेकोले आउने आर्थिक वर्षमा जनताको सुझाव अनुसारका योजनाहरुलाई प्राथमिकीकरण दिने बताएका थिए । उनले गाउँपालिकाले जिल्लामै अन्य स्थानीय तहभन्दा नमुना काममा जोड दिने बताउँदै आवश्यक कमी कमजोरीहरुलाई आउँदा दिनमा सुल्झाउँदै लगिने बताउँदै कर्मचारी र जनप्रतिनिधि मात्र नभएर उपभोक्ताहरुले पनि योजना सञचालन प्रकृया अगाडि बढाउँदा आवश्यक प्रकृया पु¥याएर काम सम्पन्न गरेमा त्यस्तो समस्या कम हुने उनले बताएका थिए ।
    जिल्लाकै कम जनसंख्या र सानो भूगोल रहेको गाउँपालिकामा भौगलिक विकटताका कारण विकास निर्माणमा समस्या रहेपनि आफूहरु जनताको चाहना अनुसार नै योजनाहरुलाई अघि बढाउने सोचमा रहेको उनले बताए ।
    जनताको गुनासोको व्यवस्थापन गरिने भन्दै गाउँपालिका भित्रको स्रोत तथा साधनको परिचालन गरी गाउँपालिकालाई आउँदा दिनमा अझ समृद्ध बनाइने उनको भनाइ रहेको थियो । कार्यक्रममा जनताका गुनासाहरुको सम्बोधन गर्दै गाउँपालिका उपाध्यक्ष पिमा खड्काले न्यायिक समितिमा विभिन्नखाले समस्याहरु लिएर आउने सेवाग्राहीको संख्या बढेर गएको बताउँदै आउँदो दिनमा न्यायिक समितिलाई अझ व्यवस्थित बनाइने उनले बताएकी छन् ।

    विभिन्न योजनाहरु वडाहरुमा सञ्चालन भएपनि अनुगमनको पाटो फितलो भएको भन्ने जनताको गुनासोलाई ध्यान दिदै यदि कहिकतैबाट योजनाहरुमा लापरवाही भएको भए आउँदा दिनमा त्यसलाई सच्याएर जाने उनले प्रतिबद्धता जनाएकी छन् । कार्यक्रममा प्रमुख प्रशासकीय अधिकृत दल बहादुर बस्नेतले जनताका जिज्ञासा तथा गुनासाहरुको कुराहरुलाई ख्याल गर्दै गाउँपालिकाले आउँदा दिनमा सेवाग्राहीको गुनासाहरुलाई मध्यनजर गर्ने बताएका छन् ।
    सुशासन कायम गर्न जनता आफै चनाखो हुनुपर्ने बताएका बस्नेतले आर्थिक वर्षमा सञ्चालन भएका योजना तथा कार्यक्रम सफल रुपमा सञ्चालन तथा सम्पन्न गर्न सबैले खेलेको भूमिका प्रशंसनीय भएको बताएका थिए । कार्यक्रममा दंगीशरण गाउँपलिका वडा नम्बर १ का अध्यक्ष श्रीप्रसाद चौधरी, वडा नम्बर २ का अध्यक्ष तुलसीराम देवकोटा, गाउँपालिका स्वास्थ्य शाखा प्रमुख विष्णु क्षेत्री, शिक्षा शाखा प्रमुख अनिल केसी, पशु शाखा प्रमुख भरत देवकोटा, गोल्टाकुरी स्वास्थ्य चौकी प्रमुख प्रदिप योगी, मावि मधपुरका प्रधानाध्यापक खेमराज बुढाथोकी लगायतले बोलेका थिए । कार्यक्रमको सहजीकरण तुलसीपुर मिडियाका गोपाल शर्मा भट्टराईले गरेका थिए ।

     

     

     

  • प्रत्येक बर्ष मार्च आठ तारिखका दिन मनाइने अन्त्राष्ट्रिय नारी दिवस कुनै खुशियालीको उत्सव नभएर उत्पीडित महिलाहरुको लैगिक बिभेद बिरुद्धको आवाज हो संघर्ष हो । महिला सशक्तिकरणको अभियानलाई बिश्वब्यापी रुपमा बुलंध पारिदै, महान संकल्प र अठोटको साथ् निरन्तर जारि राखिने अनन्तकालिन महायात्रा हो । बिगत बर्षहरु जसरि यो बर्ष पनि “१०५ औ” अन्तराष्ट्रिय नारी दिवसलाइ मार्च आठको दिन संसार भरिका महिलाहरुले नारी दिवस मनाउदै छन् ! उसो त पुरै हप्ता नारी दिवस सप्ताहको रुपमा महिला अधिकार सम्बन्धि चर्चा परिचर्चा गरिदै मानिने प्रमुख महिला दिवस हो ।

    प्रतेक नारी दिवसमा एउटा एउटा मुख्य बिषय (थिम) मा आधारित नाराहरु बनाइन्छ । प्रतेक देशले आ आफ्नै समसामयिक बिषयहरुलाई समाबेस गरि नाराहरु बनाउने गर्दछन । यो पटकको “१०८ औ को नेपालको लागि राष्ट्रिय नारी दिवस नारा आर्थिक सशक्तिकरण सहितको सामाजिक जागरण ग्रामिण तथा सहरी महिलाको जीवन स्तरमा रुपान्तरण   रहेको छ । यी नाराहरुलाई नाराको रुपमा मात्र सिमित नराखेर कार्यात्मक रुपमा अगाडी बढाउनु सबै भन्दा महत्वपूर्ण रहन्छ । यसरि नारी चेतनासँग सम्बन्धित नाराहरु निर्माण भई बिकासको यस अवस्थासम्म आइपुग्नुमा नारी जागरणको सिंगो इतिहास जोडिएको छ भन्नुमा कुनै अतियुक्ति नहोला ।

    अन्तराष्ट्रिय नारी दिवसको इतिहासलाई फर्केर हेर्ने हो भने एक सय पांच बर्ष भन्दा पनि पुरानो प्रारम्भिक चरणको काल खण्डलाइ हामीले स्मरण गर्नु पर्ने हुन्छ । २९ फेब्रुअरि सन् १९०९ ताका जसको प्रथम अध्याय लेखिने काम सयुक्त राष्ट्र संघमा केहि सामाजिक ,जागरुक र चेतनशील महिलाहरुबाट थालनी भएको थियो । त्यसपछि सन् १९१० मा डेनमार्कको राजधानी कोपेनहेगनमा अन्त्राष्ट्रिय महिलाहरुको बृहत भेला भएको थियो । जसमा १७ वटा देशका १०० जना भन्दा बढी महिलाहरुको सहभागिता रहेको थियो । पुरुष सरह श्रमिक महिलाहरुले समान ज्याला र सुविधाहरु पाउनु पर्ने ,सदियौ देखि नारी माथि सामाजको नाममा ,धर्मको नाममा ,जाति र बर्गको नामा हुदै आइरहेको बिभिन्न खाले अन्याय ,अत्याचार ,शोषण ,दमन ,हिंसा जस्ता लैगिक र अमानबीय ब्यबहारहरु प्रति खुलेर संघर्षको यात्रालाई अघि बढाउने जस्ता महान कार्यको थालनी भएको थियो ति साहसिक महिलाहरुबाट । जसको फल स्वरुप लैगिक विभेद ,सामाजिक ,शैक्षिक ,राजनीतिक ,सांस्कृतिक ,आर्थिक जस्ता बिबिध क्षेत्रहरुमा भएको शोषण ,दमन र विभेदको बिरुद्धमा आवाज बुलान्दित गर्दै ,अन्तराष्ट्रिय स्तर सम्म प्रभाव जमाउन सफल भए ति नारी अग्रजहरु । सन् १९११ मा यस प्रकारको महिला जागृतिले बिभिन्न राष्ट्रमा पहिलो पटक अन्त्राष्ट्रिय नारी दिवस मनाउने क्रमको शुभारम्भ गराई छाड्यो । यहि क्रमलाई निरन्तरता दिदै रशियाका नारीहरुले १९१३ मा ८ मार्चको दिन नारी दिवस मनाए । यसै समय देखि सबै युरोपेली राष्ट्रका नारीहरुले सोहि दिन उक्त दिवसलाई मनाउन थाले महिला मुक्ति संघर्षको अभियानलाई अघाडी सारेर । सन् १९१७ ताका आइ पुग्दा रसियाका नारीहरुले विश्व युद्धको बिरुद्ध ,शान्तिको निम्ति ,रोटीको निम्ति ,प्रेमको निम्ति ,महिलाहरुको मत अधिकारको निम्ति ,तथा सबै क्षेत्रमा पुरुष समान हक अधिकार प्राप्तिको निम्ति मार्च आठकै दिन आवाजलाई झनै बुलान्दित पारेका थिय। जसको फल स्वरूप रसियाका नारीहरुले मत अहिकार सुनिश्चित गराउन सफल भएका थिए । यसरि नै सन् १९१७ देखि १९७६ सम्म मार्च आठले नारी दिवसको निरन्तरा पाई रह्यो l सन् १९७७ मा संयुक्त राष्ट्र संघले नारि दिवस मनाउने सबै राष्ट्रका प्रतिनिधिहरुलाई बोलाएर ,आठ मार्चकै दिन प्रतेक बर्ष अन्तराष्ट्रिय नारी दिवस मनाउने निर्णय गर्दै अधिकारिक रुपमा घोषणा गरेको थियो। त्यस पश्चात आठ मार्चमा मनाइने उक्त नारी दिवसले बिश्वब्यापी रुप लिदै आजको अवस्था सम्म आइ पुगेको हो।

    नेपालको सन्दर्भमा नारी दिवसलाई महिलाहरुको समस्या समाधान र नारी मुक्तिको आन्दोलन संग जोडेर मनाउन थालेको तीन दशक पार भई सकेको अवस्था छ । यधपी नारीहरुलाई समाज र राज्यले गर्ने विभेद गनी नसक्नु माथि थपिदै गएको महसुस हुन थालेको छ जुन राष्ट्रको निम्ति पूर्ण अहितकारी छ । एक तिर समयको परिबर्तनशिलता संगसंगै गणतान्त्रिक ,लोकत्रान्त्रिक ब्यबस्था भई सकेको अवस्था र संघिय समाबेशी लोकत्रान्त्रिक व्यबस्थाको क्रममा विभिन्न बर्ग ,क्षेत्र ,र समुदायका जनताले आ आफ्नो हक अधिकार सु निश्चित गर्नको खातिर लागि परेको बर्तमान परिपेक्षमा ,आधा आकास र आधा धर्ति ओगट्ने नारी शक्तिलाई ,मात्री शक्तिलाई राज्यले पुरुषहरु समान हर तह तप्कामा समान हक अधिकार ग्यारेन्टी गर्नु पर्ने टडकारो महसुस चुलिदो छ ,चेतनशील र जागरुक नारीहरुको दरिलो पाइलाको झड्काले गर्दा । यधपी ग्रामिण परिवेश र शिक्षाको उज्यालोबाट बन्चित नारीहरु माझ भने नारी मुक्ति बिषयसंग जोडिएको नारी दिवसले प्रभाब जमाउन अझै सकेको छैन। पिछ्वाडा बर्ग ,राज्यले समेत अपहेलना गरेको दुर दराजका कैयो दुर्गम बस्तीमा पुरुषहरुको अवस्था नै दयनीय छ भने नारी रा बाल बालिकाहरुको अवस्था त कल्पना गर्दा मात्र पनि आत्माकम्पित गराउने खालको छ । बिगत देखि बर्तमान सम्म पनि नेपाल भित्र अन्त्राष्ट्रिय नारी दिवस महिला हिँसा र लैगिक विभेद अन्त्य गरिनु पर्ने बिशयमाठी केन्द्रित थियो र छ पनि । अन्तराष्ट्रिय स्तरबाट नै पनि महिला हिँसा रोक्ने माग गर्दै बिभिन्न खाले कार्यक्रमहरु भई रहेको पनि देखिन्छ । हाम्रो देश नेपालको सन्दर्भमा भने जति नै महिला अधिकार र हिँसा विभेद अन्त्य गर्नु पर्ने नीति निर्माण भए त पनि ,दिनानु दिन महिलाहरु माथि बर्बर हिँसा भई रहेको छ ! यसरि महिला हिँसा बढ्नुको मूल कारण राज्यको कमजोर कानूनी प्रक्रियाको साथ् साथै ,सामाजिक ,धार्मिक ,संस्कृतिक कारणहरु नै मुख्य जिम्मेवार छन् l घर भित्र देखि विभेद खेप्दै नारी समाजको मैदान सम्म बिभिन्न खाले जायज नाजायज नीति नियमको शिकार बन्दै प्रताडित भई रहेकी छिन । पिढी जति सुकै परिबर्तन भए पनि ,समाज जति सुकै शिक्षित भए पनि र सभ्य भए पनि नारी प्रतिको सामाजिक सोच भने पुरानै संस्कारको घेरा भित्र कैद छ अझै पनि । पुरातनबादी सोच र पुरुषबादी मानासिकतामा शुद्दीकारण नभए सम्म नारि मुक्ति कतै सम्भव छैन। तसर्थ यो अन्तराष्ट्रिय नारी दिवस चेतनशील नारिहारुको मात्र अभिभारा नभई कन समाज राज्यको नारी मुक्ति प्रतिको गहन जिम्मेवारी हो प्रमुख सरोकारको बिषय हो ।

    पुरातनबादी सोच र पुरुषबादी मानासिकतामा शुद्धिकरण नभए सम्म नारी मुक्ति कतै सम्भव छैन । तसर्थ यो अन्तराष्ट्रिय नारी दिवस चेतनशील नारिहारुको मात्र अभिभारा नभईकन समाजको , राज्यको नारी मुक्ति प्रतिको गहन जिम्मेवारी हो प्रमुख सरोकारको बिषय हो ।
    प्रतेक बर्ष अन्तराष्ट्रिय नारी दिवस मान्नुको पछाडी कुनै खुशियालीको उत्सव थिएन र छैन पनि तर कामना गरौ भविष्यमा खुशियालीको उत्सव बनोस भनेर ! १०८ औ अन्तराष्ट्रिय नारी दिवसको शुभकामना देश भित्रका ,विश्वभरिका नारीहरुलाई !!!

     

  • जिल्ला समन्वय समितिले दंगीशरण गाउँपालिकाको अनुगमन गरेको छ । चालु आर्थिक वर्षमा गाउँपालिकाले गर्दै आएको भौतिकपुर्वाधारदेखि अन्य कामको बारेमा जानकारी लिएको थियो । 

    जिल्ला समन्वय समितिका प्रमुख जितेन्द्रमान नेपालीको गएको टोलीले गाउँपालिकाका अध्यक्ष, उपाध्यक्ष र कर्मचारीसँग भैराखेको कार्यसम्पादनको बारेमा जानकारी लिएका थिए । गाउँपालिका प्रमुख भागिराम चौधरीले चालु आर्थिक वर्षमा विनियोजित ८० प्रतिशत योजना सम्झौता भैसकेको बताए ।

     ‘धेरै योजना सम्झौता भै सकेका छन । फार फरकको कामपनि भैराखेको छ’ अध्यक्ष चौधरीले भने ‘बाँकि योजना पनि सम्झौताको चरणमा छन ।’ अनुगमन टोलीमाजिल्ला समन्वयसमितिका सदस्यहरु जक्तबहादुर बस्नेत, सुभद्रा भण्डारी र सावित्रा रिजालको सहभागिता थियो ।अनुगमन कार्यक्रमको बारेमा जिल्ला समन्वय समितिका सबइञ्जिनियर रामकुमार आचार्यले सहजिकरण गरेका थिए ।

  • बाढीबाट क्षति भएका निजि तथा सार्वजनिक आवास पुननिर्माण आयोजनाको लागि डकर्मीको आवश्यकता ।

Pages